Wakala wa Usajili wa Biashara na Leseni BRELA imetoa mafunzo katika Chuo Kikuu cha Kikatoliki cha Afya na Sayansi Mwambata cha Bugando jijini Mwanza, ili kuongeza uelewa kuhusu Miliki Ubunifu.
Akizungumza katika Mafunzo hayo tarehe 8 Mei, 2023 katika Chuo hicho, Afisa Mwandamizi kutoka BRELA Bw. Raphael Mtalima amesema Bunifu mbalimbali zikitumiwa zinaweza kutatua changamoto ikiwemo za Afya katika jamii na kuwakuza kiuchumi wabunifu na wafanyabiashara.
Katika mafunzo hayo yaliyohudhuriwa na wahadhiri na watumishi wa kada mbalimbali wa Chuo hicho wameelekezwa namna wanavyoweza tumia bunifu zao kutatua changamoto za Afya na Sayansi ya Tiba ili kujikwamua kiuchumi na kutengeneza ajira kwa watu wengine.
Wakufunzi hao pia wamepata fursa ya kukumbushwa kuwa Miliki Ubunifu ni mali kama mali nyingine japo haishikiki na wala haionekani, inayotokana na mtu kutumia akili kubuni vitu mbalimbali, hivyo wabunifu na wafanyabiashara wanayo nafasi kutumia bunifu zao kama vile Hataza, Alama za Biashara na Huduma zilizosajiliwa BRELA kutambulisha bidhaa au huduma wanazitoa na wanaweza kuziuza au kuzikodisha alama hizo pale inapobidi hivyo kunufaika na bunifu zao.
Maafisa wa BRELA wanaendelea na zoezi la kutoa Mafunzo katika Vyuo Vikuu mbalimbali vilivyopo jijini Mwanza, ikiwa ni pamoja na Chuo Kikuu cha Tanzania cha Mtakatifu Agustino (SAUT), Chuo cha Elimu ya Biashara (CBE) pamoja na Vyuo vya Mafunzo ya ufundi stadi (VETA) na Shirika la Kuhudumia Viwanda Vidogo (SIDO).
Afisa Usajili wa Wakala wa Usajili wa Biashara na Leseni (BRELA) Bw. Kigosi Stanislaus akitoa elimu kuhusu Miliki Ubunifu kwa wahadhiri na wafanyakazi wa kada mbalimbali wa Chuo Kikuu cha Kikatoliki cha Afya na Sayansi Mwambata, Bugando Jijini Mwanza, tarehe 8 Mei, 2023.
.jpeg)
.jpeg)
.jpeg)
0 Comments